یونان، پاکستانیوں سے بھری کشتی سمندر میں ڈوب گئی ، پاکستانیوں سمیت درجنوں افراد لاپتہ

یونان، پاکستانیوں سے بھری کشتی سمندر میں ڈوب گئی ، پاکستانیوں سمیت درجنوں افراد لاپتہ

 یونان کے سمندر میں تارکین وطن کی کشتی ڈوب گئی، کشتی حادثے میں 5 افراد ہلاک جبکہ 40 سے زائد لاپتہ ہوگئے۔غیر ملکی خبر ایجنسی کے مطابق ہفتے کو یونان کےجنوبی جزیرے کے قریب تارکین وطن کی کشتی ڈوب گئی، یونانی کوسٹ گارڈ نے بتایا کہ حادثے میں 5 افراد ہلاک ہوئے، 40 افراد لاپتہ ہوگئے جبکہ 39 کو بچا لیا ۔

خبر ایجنسی کے مطابق کشتی میں زیادہ تر پاکستانی تھے ،کشتی کے لاپتا مسافروں کی تلاش کے لیے امدادی سرگرمیاں جاری ہیں۔ وفاقی وزیرداخلہ محسن نقوی نے غیرقانونی طور پر یورپ جانے والے پاکستانیوں کی اموات پر اظہار افسوس کیا ہے۔

وزیرداخلہ محسن نقوی نے تحقیقات کاحکم دیتے ہوئے ایڈیشنل سیکرٹری داخلہ کی سربراہی میں کمیٹی تشکیل دے دی جو واقعےکی تحقیقات کر کے 5 روزمیں رپورٹ وزیرداخلہ کو دے گی۔محسن نقوی نے کہا ہے کہ انسانی اسمگلنگ جرم ہے، مافیاکئی گھر اجاڑ چکا، انسانی اسمگلنگ مافیا کے خلاف ایف آئی اے ملک گیر کارروائیاں کرے