سب میرین کیبل میں خرابی کے باعث پاکستان کو ایک مرتبہ پھر انٹرنیٹ سروسز میں سستی کا سامنا کرنا پڑ رہاہے ۔
تفصیلات کے مطابق خرابی پاکستان کو بین الاقوامی انٹرنیٹ ٹریفک سے جوڑنے والی کیبل میں آئی ہے ، جس کے باعث پاکستان سمیت کئی ممالک میں انٹرنیٹ سروسز عارضی طور پر سست روی کا شکار ہیں، سب میرین کیبل میں خرابی کے باث پی ٹی سی ایل صارفین کو انٹرنیٹ مسائل کا سامنا کرنا پڑ رہاہے۔
پی ٹی اے کی جانب سے جاری کردہ بیان میں بتایا گیاہے کہ قطر کے قریب سب میرین کیبل میں خرابی گزشتہ روز ہوئی، کیبل خرابی کے باعث انٹرنیٹ اور براڈ بینڈ صارفین کو مسائل کا سامنا ہے ، عالمی سطح پر ٹیمیں خرابی دور کرنے کیلئے کوشاں ہیں۔
